Nýtt

Þá er nýja árið gengið í garð og ýmislegt búið að gerast. Ég missti það út úr mér við Bjarka Sig að mig langaði í nýjan bíl eða jeppling. Það var nú meira í gríni og ég var alls ekkert á leiðinni í svoleiðis vitleysu. En Bjarki veðraðist allur upp og sagðist hafa 1 flottan á E-bay handa mér. Nú ég heimskaðist til að kíkja á hann og þá var ekki aftur snúið. Ég var rétt í þessu að senda fullt af dollars til Ameríkunnar. Þetta er ekki hægt!!!! Kallinn ánægður með kaupin en verð að viðurkenna að ég á það til að fá áhyggjur af peningamálum og það varð engin breyting á eftir þessi kaup. Þetta hefur því orsakað nokkrar andvökunætur síðustu daga, en vonandi fer það nú að breytast. Bíllinn kemur ekki fyrr en eftir 1 - 1½mánuð á götuna hér á ísl. Mér skilst að ég hafi ekki talað um annað en þennan blessaða bíl upp á síðkastið og náði m.a. að kaffæra nokkra góða menn heima hjá Jónsa Stebba um daginn. Ekki orð um hann meir.

Kagginn