Úr einu í annað

Sælar
Mikið andskoti var nú gaman í Eyjum!! Étið eins og skepna og drukkið eins og svín.. En það var nú líka farið í göngutúra, fjallgöngu, bíltúra, tívolí, spilað golf og svei mér þá ef ég hafi ekki fengið smá golf bakteríueinkenni, enda völlurinn svakalega flottur og landslagið verður nú ekki mikið flottara er þarna. Húsið sem við vorum í var bara ágætt, en það vantaði nú soldið upp á basic hluti, borðbúnað og fl. En það var nú ekkert verið að væla yfir því og Stebbi og Björk foreldrar Jóns Viðars redduðu öllu. staðsetningin á húsinu skemmtileg og leikvöllur við hliðiná. Ekki skemmdi það fyrir að það kom e-ð ferðatívolí og plantaði sér við húsið og það vakti mikla lukku hjá krökkunum. Núna er stefnt á að gera þetta að árlegri ferð.
Okkur Klöru datt í hug að leyfa Ragnhildi að fara í heimsókn til DK, en það er auðvitað allt upp pantað. Það var samt laust núna 23 ágúst en þá eru amma og afi ekki komin í frí og þá þyrfti hún að hengja sig á að Emilia vinkona hennar væri heima og hún fengi að vera þar. Æji það hefi verið gott fyrir hana að komast aðeins út, henni leiðist víst soldið heima fyrir og svo væri gaman að halda dönskunni við. En koma tímar koma ráð.
Skellti mér í golf í gær á Eskifjarðarvelli með Bjössa Hák. Gott ef ég sé ekki að taka smá framförum.. Svo var farið yfir á Norðfjörð í mat. Svarta þoka lá yfir fjörðunum (og gerir enn) og ég sá ekki milli vegstika...En þegar komið var upp að Oddskarði þá keyrði maður úr þokunni og í brakandi sólskyn. Kodak moment góðan daginn!! Þokan lá eins og ullarteppi yfir fjörðunum og svo stóðu tindarnir upp úr og sólin skein á þá..... Vá .. kallinn gaf sér tíma í að stoppa og fara út að dást að þessu. En enginn kubbur með og því verða frásagnirnar að nægja.. Góð saga maður....