Hitt og þetta

Fór að sjá Mýrina í gær, fín ræma þar á ferð en mér finnst þetta kannski ekki alveg eins suddalegt eins og margir hafa talað um. En jú jú skemmtileg og vel leikin mynd. Alltaf gaman að horfa á íslenskar myndir. Klara var ekki alveg sátt við myndina, held að hún hefði viljað sjá CSI Reykjavík mæta á svæðið og leysa málið bara á nettum hálftíma. Hún horfir greinilega of mikið á sjónvarpið!!
En talandi um Klöru þá er ég að spá í að gefa henni fallega peysu í jólagjöf. Værið þið til í að segja ykkar skoðun á hvaða peysu ég á að velja..
Annars allt rólegt hjá mér. Hef lítið getað skrifað hér inn eftir árásirnar í síðustu kommentum. Búddi danski reyndi að stappa í mig stálinu og ég er allur að skríða saman.
Hef líka ákveðið að koma með nýja getraun á næstunni og láta ekki vinsældir getraunanna hennar Klöru stoppa mig! Verð víst að viðurkenna að þær voru ögn vinsælli en mínar, ég er að vísu með mun þrengri markhóp!! :)